Inicio Aprendices Mestres Oficios Links Fotos Receitas Foro
“Made in Galicia” é unha serie documental de emisión semanal que mostra o reto que supón para integrantes do colectivo inmigrante, instalados en Galicia, a aprendizaxe dun oficio vencellado á tradición galega .
mapa
MADE IN GALICIA é un programa desenvolvido totalmente en exteriores.
É un programa deseñado para ver en familia, tanto os máis cativos coma os maiores, de tal forma que uns recorden e outros aprendan.
MADE IN GALICIA
CAPÍTULO 6: Daniel e Mohamed 20/10/09

Picar na pedra pode ser un traballo esgotador. As ferramentas son poucas e sinxelas; o truco está en saber como usalas. A pesar dos bos consellos de Daniel, canteiro da Guarda, o seu novo compañeiro de traballo vai sufrir modelando a dura pedra. Mohamed, o aprendiz marroquí, aprenderá os segredos dun oficio milenario. Gran parte desta sabedoría está destinada a perderse, e Mohamed terá que prestar atención ó seu mestre. Pola súa banda, Daniel vai descubrir a receita para o té moruno. A clase rematará nun dos enclaves máis enigmáticos para os canteiros.

Lupe pensa que aínda lle queda moito que loitar para o que o seu oficio sexa recoñecido como tal.

O día máis feliz de Ion foi cando conseguiu comezar a pagar a hipoteca do seu actual piso en Compostela.

Manolo non ten relevo xeracional para o seu oficio e agarda con impaciencia un novo aprendiz.

Antonina leva tanto tempo en Burela que case non recorda como sabía o cuscus no Cabo Verde.

Abel , emigrou coma moitos, pero sempre levaba encima unha gubia para facer unha zoca.

Mohamed rexenta unha das tascas de viños das rúas de Compostela, e ninguén lle parece raro que un marroquí sirva as cuncas de viño .

Estas son as historias da nova Historia de Galicia, na que diversas identidades culturais de países tan afastados como Romanía, Taiwán ou Cabo Verde comparten con nós a súa vida laboral e persoal. Tamén é o tempo no que obradoiros de oficios tradicionais están a quedar baleiros de aprendices.
©vozaudiovisual